Harrismith-inwoners wil hof toe oor riool, bloed in veld | Maroela Media

Inwoners van Harrismith in die Vrystaat gaan die Maluti-a-Phofung- plaaslike munisipaliteit nou in die hooggeregshof die stryd aansê omdat rioolvuil nou reeds maande lank uit dié dorp se grootste rioolverwerkingsaanleg loop. Willem König, ʼn sakeman op die dorp en een van die direkteure van die Harrismith, Intabazwe & Tshiame-inwonersvereniging (HIT-vereniging), sê die probleem duur nou al maande lank.